😢निरोप तुझा.....🙏

आज अनंतचतुर्थी.... तुझ्या निरोपाचा दिवस.... तुझ्या आगमनाची इतकि आतुरता ह्या मनाला लागलेली असते कि तू आल्यानंतर परत जाऊच नये असचं वाटतं... खरचं तुझ्या आगमनाने अगदि प्रसन्न होतं मन. बर आज तू निघतोयस तर नीट जा... जाताना ह्या जगातील दु:ख देखिल सोबत घेऊन जा आणि थोडे तुझ्याकडचे सुख सर्वांना देऊन जा... सुख समाधानाचे , सुख ऐश्वर्याचे , सुख प्रगतीचे , सुख समजूतदारपणाचे , सुख संसाराचे , सुख यशाचे , सुख बुद्धीचे ....

                                                          Photo click by me

ह्या वर्षात तू अनेक रूपात आम्हांला तूझे सुखद दर्शन दिलेस. कधी राजाच्या रूपात, कधी घोड्यावर बसून आलेल्या रक्षकाच्या रूपात तर कधी आँन ड्यूडी २४ तास असणार्या पोलिसाच्या रूपात.. अशा अनेक रूपात तूझे दर्शन ह्या वेळेस आम्ही घेतले.. पण तूला ह्या वर्षात काही चूकल्यासारखे नाही वाटले का??? अरे म्हणजे तूझ्या आगमनाची मोठी मिरवणूक तर झाली  पण ह्या ११ दिवसात जी पूर्वीसारखी मजामस्ती होती ती कुठे तरी हरवून बसलेली... तूला पाहण्यासाठी भल्या मोठाल्या रांगा होत्या... बर का त्या रांगांमध्ये हि वरायटी होती हा म्हणजे पैसे देवून मिळणारे दर्शन (पास घेवून) , नवसाची रांग , मुखदर्शनाची रांग , चरण दर्शनाची रांग अशा अनेक रांगा लागलेल्या.... त्या रांगांची गर्दी सांभाळता सांभाळता तूझ माणसातलं अस्तित्वच लोक विसरून गेलेत. पूर्वी ह्या ११ दिवसात प्रत्येक मंडळ लहान मुलांपासून ते मोठ्या लोकांपर्यंत वेगवेगळ्या शारीरिक स्पर्धा आयोजित करत असे. त्याचसोबत मनोरंजनाचे करमणूकिचे अनेक कार्यक्रम देखिल होत होते. परंतू आताचे लोक आपल्या व्ययक्तिक जीवनात आणि पैसे कमवण्याच्या  स्पर्धेत इतके गुंतून गेलेत कि त्यांना इतर स्पर्धा आयोजित करण्याचा वेळचं मिळतं नाहीये..

बर ह्या वर्षात काय काय झालं हे तुझ्या कानावर आलचं असेल. महागाई वाढली , पेट्रोल, डिझेल आणि घरगुती गँस चे दर वाढून आसमंताला पोहचले, चलनाचे स्वरूप बदलले , आणि सर्वात मोठा बदल झाला तो म्हणजे प्लँस्टिक आणि थरमाकाँलवर बंदी आली. त्यामूळे तूझ्या आरासाची मखर कशी करायची ह्याचा प्रश्न अनेकांना पडला. त्यातूनहि अनेक लोकांनी प्लँस्टिक आणि थरमाकाँल शिवाय वेगवेगळ्या वस्तूपासून तुझ्यासाठी सजावट केली.  तूझ्या वेगवेगळ्या रूपासोबतच खूप वेगवेगळ्या स्वरूपाचे डेकोरेशनसुद्धा पहायला मिळालं.

                                                             Photo click by me

तू निघताना आम्ही तूझी "चूकले असले काही त्याला क्षमा असावी" असे म्हणत वाजतगाजत ढोलताशा आणि बँजोच्या तालात तुला सुखरूप  तुझ्या घरी पाठवतो ह्या आशेने कि तू पुढच्या वर्षी लवकर येशील आणि सोबत काही तरी नवीन गोष्टी शिकण्यासाठी घेऊन येशील... पण तुला एक प्रार्थना आहे. तुझे विसर्जन झाल्यावर दुसर्या दिवशी तुझ्या शरीराची झालेली विटंबना बघवत नाही रे.... लोकांनी समुद्र ऐवढा घाण केलाय कि तुला हि त्या घाणीत जायची इच्छा होत नाहीये. तू बुद्धीचा दाता आहेस तर थोडी बुद्धी ह्या समाजाला ह्या जगातील लोकांना देऊन जा. त्याची ह्या समाजाला ह्या जगाला खूप गरज आहे..

शेवटी एकच म्हणणं आहे कि तूच हे जग तयार केलयस.. सर्व गोष्टींचा कर्ता कर्मदाता सर्व काही तूच आहेस. त्यामुळे तूच काही तरी चमत्कार कर कि परत माणसाच्या हातून चूक होणारचं नाही....
     

        बोला गणपती बाप्पा मोरया...
        मंगलमूर्ती मोरया..... 
        पुढच्या वर्षी लवकर या.....