🙏दामिनी के दामन को बचाले गोविंदा🙏

           🙏दामिनी के दामन को बचाले गोविंदा🙏

       भारतासारख्या वेगवेगळ्या परंपरा व संस्कृती असणाऱ्या देशात, गेले दीड शतक स्रियांविषयक अनेक प्रश्न किंवा त्यांवर होणारे अत्याचार व वास्तवात घट्ट मूळ धरलेल्या अत्यंत चिवट कुप्रथा यांचा संघर्ष सातत्याने चालू आहे.  त्यात भर म्हणजे बलात्काराची... सध्या अल्पवयीन मुली आणि स्त्रियांवर अनेकवेळा विविध प्रकारचे लैंगिक अत्याचार आणि बलात्कार घडण्याच्या घटना घडताना आपण ऐकतो. नुकतीच एका ८ महिन्याच्या मुलीवर बलात्कार झाल्याची बातमी ऐकली.  अजून एका ६० वर्षीय म्हाताऱ्या महिलेवर ८ जणांनी मिळून बलात्कार केला अशी बातमी एेकली. एका बापाने आपल्या सख्या मुलीवर बलात्कार केला. १९ वर्षाच्या मुलीवर चित्रपटगृहात सामुहिक बलात्कार, भावाने बहिणीवर केला बलात्कार..... किती वाईट प्रकार आहेत हे...

           आपल्या भारतात बलात्कारांची संख्या दिवसेंदिवस वाढतच चालली आहे. प्रत्येक वयोगटातील मुलीवर बलात्कार होत असल्याच्या बातम्या आपण प्रत्येक दिवशी वाचत असतो. खूप चिड येते अशा बातम्या ऐकून, वाचून. खरचं ज्या मुलीवर बलात्कार केला जातो ती कोणाची तरी बहिण, कोणाची तरी आई असू शकते हा विचार  का ते नराधम करत नाहीत?? इतके स्वार्थी कसे असू शकतात कि आपल्या मुलीच्या आई , बहिणीच्या वयाच्या महिलेवरच बलात्कार करतात. बर अशा नराधमांना शिक्षा हि लवकर मिळत नाही. काही नराधम तर इतके वाईट क्रुत्य करून ही मोकळे फिरत असतात. मध्यंतरी खूप सारे बलात्कार प्रकरणे मिडियाच्या माध्यमांतून समोर आली आणि त्यांना न्याय हि मिळाला. त्यातील एक म्हणजे "निर्भया प्रकरण".

           खूप गाजलेल असं हे प्रकरण सर्वांच्याच लक्षात असेलं. हे प्रकरण आठवलं तरी अंगावर काटे येतात. २३ वर्षांच्या वैद्यकीय महाविद्यालयाच्या विद्यार्थिनीवर धावत्या बसमध्ये एका अल्पवयीन मुलासह सहा जणांनी बलात्कार केला होता. १२०० पानांचे आरोपपत्र, ८६ साक्षीदारांची साक्ष आणि २४३ दिवसांच्या सुनावणीनंतर निर्भयाच्या सर्व मारेकऱ्यांना साकेत न्यायालयाने फाशीची शिक्षा सुनावली होती.  त्यातला एक आरोपी हा अल्पवयीन होता ज्याची बालसुधारगृहात रवानगी केली होती. सर्वत्र वातावरण  ह्या प्रकरणामूळे पेटलेलं होतं. अनेक महिलांनी आंदोलने काढली. ह्या प्रकरणामूळे अनेक कायद्यांमध्ये हि दुरूस्ती करण्यात आली.

   

          पण खरचं एक गोष्ट समजत नाही अशा नराधमांना कठोरातली कठोर शिक्षा का मिळत नाही?का त्यांना समाजाच्या हवाली करत नाही? १६ वर्षाच्या मुलाने जर बलात्कार केला तर त्याला शिक्षा न होता बालसुधारगृहात टाकले जाते. त्याला सुधारण्याची नाही कठोर शिक्षेची गरज आहे. बलात्कार कसा करावा किंवा तो करण्याची अक्कल असणारे ते अल्पवयीन कसले ते तर 'नराधम'. अशा नराधमांमूळे समाजातील स्रियांना घाबरतं घाबरतं आपलं आयुष्य जगावं लागतय. मध्यंतरी तर असं म्हटलं जात होत की मुली छोटे - छोटे कपडे घालतात म्हणून बलात्काराची संख्या वाढतेय. किती मुर्ख विचार आहेत हे. राज्यघटनेमध्ये स्वातंत्र्याचा हक्क सर्वांना समान आहे.मग हे असे विचार का? बर ज्या पूर्ण कपड्यात असतात त्यांच्यावर हि बलात्कार होतातचं कि. बलात्कार करणारे ६ महिन्याच्या मुलीला सोडत नाहित ते छोटे कपडे घालणाऱ्या किंवा संपूर्ण अंग झाकलेल्या मुलींना काय सोडतील. एखाद्याची नजर त्याचे विचार किंवा त्याचे संस्कारच वाईट असतील तर पूर्ण कपडे काय आणि छोटे कपडे काय कोणीच बलात्काराला थांबवू शकत नाही. . पण कुठे तरी हे थांबण खूपच गरजेचे आहे... अशा नराधमांना भर चौकात उघड करून त्यांच लिंग कापले पाहीजेत कदाचित ह्या शिक्षेच्या भितीने का होईना लोक बलात्कार करायला घाबरतील किंवा थांबवतील....
          

      पिडीत महिला किंवा मुलीला समाजात इतके टोमणे किंवा इतक टोचून बोलल जात कि तिला जीव देण्याशिवाय पर्याय उरत नाही. अरे लाजा वाटल्या पाहीजे अशा समाजाला किंवा अशा लोकांना. जिने आधीच एवढ सोसलं असत तिला त्या धक्क्यातून बाहेर काढण्याऐवजी, तिला समाजात ताठ मानेने जगायला शिकवण्याऐवजी तिला प्रोत्साहन देण्याऐवजी  तिच्या सोबत किती वाईट झाले आहे ह्याचीच जाणीव तिला समाज नेहमी करून देत असतं. हे चित्र कुठे तरी बदलण गरजेचे आहे. द्रोपदी वस्त्रहरणाच्या वेळेस जसे श्रीकृष्णाने द्रोपदीला साडी देऊन तिची रक्षा किंवा तिची लाज वाचवली होती तसेच आजच्या काळातील प्रत्येक तरूणाने जर श्रीकृष्णाची भुमिका घेऊन स्रियांचे रक्षण केले तर नक्कीच पुन्हा कधीच वस्त्रहरण होणार नाही.....

      विचार बदला बघण्याचा दृष्टीकोन बदला तरच समाजात होणारे बलात्कार थांबतील. सुरूवात तुमच्या पासून करा. तरच समाज बदलेल.
   
                                       - सायली चाळके.


Tags:-

#Rapes# #sex# #sexuality# #laws# #mind# #Cheaper# #Thinking# #woman# #girls# #mentality# #stopharasment# #force# #condoms#