😇🔮जादू की झप्पी❤🙇

                     😇🔮जादू की झप्पी❤🙇

जीभेवर साखर आणि डोक्यावर बर्फ ठेवला की सारं सुरळीत होतं असे म्हटले जाते. पण सोबतीने एक ‘जादू की झप्पी’ दिली की आपल्याला थोडा आनंद पसरवायला मदत होते हे ‘मुन्नाभाई’ने आपल्याला शिकवले आहे. परंतु हि जादूची झप्पी मानवी आरोग्यासाठी तसेच मानसिक समस्यांना आळा घालण्यासाठी किती महत्वाची आहे हे कोणालाचं माहीत नसेल. खूप दिवसांपूर्वी एक आर्टीकल वाचलेल ज्यात झप्पीचे फायदे सांगण्यात आले होते. झप्पी म्हणजे "मिठी". पण हिच दोन अक्षर असणारी झप्पी किंवा मिठी मानवी आरोग्य आणि शरिरासाठी जादूची कांडी आहे.
        मिठी हि अनेक  समस्यांना दूर ठेवण्यासोबतच तुम्हांला आनंदी ठेवण्यास मदत करते. आजकाल अनेकांची कामं ही एकाच ठिकाणी बसून कॉम्प्युटर किंवा फाईलमध्ये गुंतलेली असतात. यामुळे शारिरीक हालचाल कमी होते परिणामी स्नायूंवर ताण वाढतो. हा ताण कमी करण्यासाठी औषध घेण्याऐवजी ‘मिठी’ देणं अधिक फायदेशीर ठरू शकते. त्यामुळे ताण हलका होण्यास मदत होईल. तुमच्या प्रियजनांसोबतचे सख्य किंवा संबंध वाढवण्यासाठी मिठी देणे हा एक सोपा उपाय आहे. यामुळे मन आणि शारिरीक ताणदेखील हलका होतो. मिठी दिल्याने ‘ऑक्सिटोसिन’ हार्मोन निर्माण होते. हे हार्मोन बाळाचा जन्म होतानादेखील निर्माण होते ज्यामुळे आई आणि नवजात बालकामध्ये  बॉन्ड तयार होतो. म्हणूनच कदाचित आईच्या पोटात बाळ नऊ महिने घट्ट मिठी घालून असतं. मिठी मारल्यानंतर एंडॉरफिन म्हणजे आपल्याला आनंदी ठेवणारे हार्मोन्स तसेच ऑक्सिटोसिनचा रक्तातील प्रवाह सुधारतो. यामुळे रक्ताप्रवाह सुरळीत झाल्याने रक्तदाबाच्या समस्येवर नियंत्रण मिळवण्यास मदत होते. ज्यावेळेस तुम्हांला खूपच दु:खी किंवा निराशाजनक वाटत असेल तेव्हा तुमच्या आवडत्या व्यक्तीला मिठी मारा. यामुळे कोर्टिसॉलच्या निर्मीतीचे प्रमाण कमी होते. परंतू सेरोटोनीन या ताण कमी करणार्‍या हार्मोनला चालना मिळते. ज्यामुळे तुम्हांला प्रसन्न वाटते. तसेच चेतासंस्थेला चालना मिळते, मेंदूचे कार्य सुधारते तसेच मानसिक संतुलन सुधारल्याने सकारात्मक विचार वाढण्यास मदत होते. 
  

     दोन व्यक्तींमधील सामंजस्य सुधारण्यासाठी ‘मिठी’ अत्यंत फायदेशीर ठरते. मिठी दिल्याने मेंदूला सकारात्मक उर्जा मिळते पण त्यासोबतच ताण हलका झाल्याने मन हि  प्रसन्न राहते. तरूण मुला-मुलींची घरातील वडीलधारी व्यक्तींशी काही वादविवाद झाल्यास तो ताण कमी करण्यासाठी काही वेळाने एकाने पुढाकार घेऊन मिठी द्यावी. म्हणजे न बोलताच त्या दोघांमधील ताण-तणाव दूर होऊन एकमेकांमधील प्रेम वाढायला मदत होईल. समोरच्या व्यक्तीला मिठीत घेतल्यानंतर एकमेकांमधील ‘इमोशनल कनेक्ट’ सुधारण्यासही मदत होते. यामुळे एकमेकांवरील प्रेम,विश्वास आणि सामंजस्य सुधारायला मदत होते. मिठी मारल्याने प्रियजनांमध्ये तुमच्याबाबत सकारात्मक वलय तयार होण्यास मदत होते. मिठी मारल्याने आनंद, प्रसन्नता वाढवणारे हार्मोन्स वाढण्यास मदत होते, ताण हलका होतो. याचा परिणाम तुमच्या त्वचेवर प्रामुख्याने दिसून येतो. त्यामुळे मिठी मारल्याने वाढणारे चेहर्‍यावरील तेज अ‍ॅन्टी एजिंगची समस्या थोडी कमी करण्यास मदत होते.

     पाहिलात एक मिठी किंवा झप्पी आपल्या आरोग्यासाठी इतकी प्रभावी ठरू शकते. एखाद्या हतबल व्यक्तिला मिळालेली झप्पी हि त्याचं आयुष्य नक्कीच बदलू शकते. त्याला जगण्याची, स्पर्धेत शेवटून पुढे येण्याची प्रेरणा प्रोत्साहन एक जादू की झप्पी देऊ शकते.  एक जादूची झप्पी एखाद्या व्यक्तीचं दु:ख घालऊ शकते. मग करा सुरूवात तुमच्या पासूनचं कदाचित तुमची एक मिठी किंवा झप्पी कोणाची तरी जादूची कांडी बनू शकते.

                                             - सायली चाळके


Tags:- 

#hug# #frienshipmeet# #Doctor# #stressed# #medicines# #life# #tension# #happiness# #मिठी# ##जादू कि झप्पी# 

माहितीचा संदर्भ:- 

http://www.thehealthsite.com/marathi/diseases-conditions/health-benefits-of-hugging-in-marathi-n0216/